आदरणीय विश्वभरीका नयोङहाङ दाजु-भाई,छोरी-चेलि तथा सुभचिन्तक वुद्धीजिविहरुमा मेरो लुङमेन्दिङ सेवारो ! नमस्कार !!

आज भन्दा लगभग २५ बर्ष अघितिर धरानमा अहिले जस्तो धेरै नयोङहाङहरु थिएनन्। त्यो समयमा सुख भन्ने कुरा सपना जस्तै मात्र लाग्दथ्यो । दुख, आपत, विपद आई लाग्दा सपना देखे जस्तो हुँदैन, बाध्य भएर जुटाउन सक्नु पर्दथ्यो । त्यो कठोर परिस्थितिलाई मध्यनजर गरेर २०५६ सालमा क्याप्टेन मेहरमान नयोङहाङको नेतृत्वमा धरानमा रहेका नयोङहाङ दाजु-भाई लाई सङ्गठित गरी दुःख पीरमर्कामा सबैले एक आपसमा सहयोग गरागर गर्ने परिकल्पना को साथमा नयोङहाङ संस्था भन्ने समिति गठन गरिएको थियो। जसलाई निरन्तता दिदै आउँदा धरान भन्दा बाहिरको गाउँ गाउँका दाजु-भाई तथा छोरी-चेलि सबैलाई समेटेर हाम्रो बंशको साझा संस्था नयोङहाङ समाज नेपाल निर्माण गर्ने कार्य सुरु भयो । लामो छलफल गरी २०७६ साल साउन १३ गते जगन्धोज नयोङहाङको अध्यक्षतामा नयोङहाङ समाज नेपाल तदर्थ समिति गठन गरीयो । हाम्रो बंश एकताको कोसिसलाई जगनध्वोज ज्युले साथ दिनु भएको कारण आज यो संस्था खडा भएकोछ । तर दुर्भाग्य बस वहाँको निधन भयो । वहाँको आत्माको चिरशान्तिको कामना सहित तदर्थ समितिको बैठकले लाल बहादुर नयोङहाङ लाई कार्यबाहक तदर्थ संयोजकको जिम्मेवारी दिएको थियो । उक्त कार्यसमितिको आयोजना २०७८ साल बैशाख ४ गते धरान १० सैनिक भवन सुनसरीमा विश्वभरीका नयोङहाङ दाजु-भाई, छोरी- चेली, ज्वाई,भान्जा भान्जी तथा बुद्दिजिबीहरूको बिशाल उपस्थिति भएको साधारण सभाबाट निर्विरोध निर्वाचित म सुरेश नयोङहाङ सहित ३७ जनाको कार्यसमिति निर्वाचित भएका थियौ ।

मैले अध्यक्ष पदको जिम्मेवारी पाईसकेपछि नयोङहाङ समाज नेपाललाई कसरी स्थापित गर्ने भन्ने बिषयमा साधरणसभा भएको हलमा पहिलो बैठक राखियो । दोस्रो बैठक २०७८ असोज १६ गते धरान ड्रिमलेण्डमा बसियो । धेरै प्रस्तावहरू माथि ब्यापक छलफल भयो । सबै निर्णयहरू पास भयो । भित्ते पात्रो, देउसी-भैलो, नयोङहाङ मुख पत्र पुस्तिका, नयोङहाङ माङ्गेना यक, बंशावली संशोधन समिति लगायत विविध अन्य धेरै बिषय उपर छलफल भएको थियो । प्राय: सबै निर्णयहरुको कार्यनयन भएको छ । म अध्यक्ष हुँदा हाम्रो कार्यसमितिलाई देश बिदेशबाट पुर्णरुपमा साथ सहयोग सम्मर्थन संगै प्रशंसा गरेको मैले अनुभुत गरेकोछु । बाहिर तिर कोही कसैले दुखेसो भएमा यसलाई संस्था दोर्याउने मार्गदर्शनको रुपमा लिएको छु । मैले गरे भन्ने शब्द म कहिल्यै गर्दिन । हाम्रो कार्यसमितिले राम्रो काम गरेकोछ भन्ने लाग्छ । यदी कहि कतै जान अन्जान गलत भएकोछ भने सधै त्यसको जिम्मा म लिनेछु। विश्वभरीका नयोङहाङ दाजु-भाई तथा छोरी-चेलिलाई एक बनाउनु मुख्य कुरा हो । त्यसको निम्ति हामी लागि पार्नु पर्दछ । सँधै लागि रहनु पदर्छ । नयोङहाङ समाज नेपाल संस्था अन्तरगत हामी एकतावद्ध छौं। वंशावली पुस्तकले एकतालाई अझ बलियो बनाउने कार्य गर्दछ भन्ने आशा लिएकोछु। अब बाँकी रहेका कामहरूलाई आउने कार्यसमितिले जोड्दै जानु पर्छ ।

अन्त्यमा मैले वंश प्रति काम गर्दा जान अन्जान गल्तीहरू भए क्षमा चाहन्छु । बिषेश गरेर हाम्रो मूल मन्त्र नयोङहाङ जुट्नुपर्छ, जुटिरहनु पर्छ, कदापि छुट्नु हुदैन । धन्यबाद ! आसेवारो !!